Uppskeruhátíð nýsköpunar - 12 hugmyndir sem breyta leiknum!

Uppskeruhátíð námskeiðsins Nýsköpun og gerð viðskiptaáætlana við Háskólann á Bifröst var haldin í Landnámssetri Íslands í Borgarnesi um síðustu helgi. Þar kynntu nemendur 12 fjölbreytt og metnaðarfull nýsköpunarverkefni sem hvert og eitt svarar raunverulegri þörf í samfélaginu.

Hugmyndirnar eru afrakstur margra vikna vinnu þar sem nemendur þróuðu viðskiptamódel, framkvæmdaáætlanir og fjárfestakynningar – og kynntu fyrir fjárfestum, kennurum og samnemendum með fagmennsku og eldmóði.

✨ Hér eru hugmyndirnar tólf:

1. Solid – örugg stafrænn vettvangur sem tengir saman löggilta iðnaðarmenn og viðskiptavini, með áherslu á fagmennsku, gagnsæi og gæði​
2. Sjálfboði – fyrsta íslenska appið sem sameinar sjálfboðaliðastarf á einum vettvangi; tengir áhugasama einstaklinga við verkefni stofnana og samtaka​
3. Bréfabox– snjöll og sjálfbær lausn sem umbreytir dreifingu bréfa með öruggum afhendingarboxum fyrir póstinn
4. Betri innkaup –hugmynd sem einbeitir sér að því að gera innkaup hjá hinu opinbera gegnsærri og hagkvæmari.
5. Arka – sveigjanleg og sjálfbær einingahús fyrir skóla, neyðaraðstæður og samfélagslega þjónustu – lausn sem mætir íslenskum veðuraðstæðum​
6. Trygging gegn leyndum göllum – ný og nauðsynleg trygging fyrir fasteignakaupendur, sem tryggir þá gegn óvæntum kostnaði og eykur traust í fasteignaviðskiptum​
7. Team Mate – app fyrir íþróttastarf barna og unglinga sem sameinar samskipti, fræðslu og persónubundna þjálfun – allt á einum stað​
8. Matarkaup.is –lausn sem hjálpar neytendum að velja hollari og hagkvæmari matvöru með snjallri gagnavinnslu.
9. VerkTengsl –vettvangur sem tengir saman verktaka og verkefni með áherslu á ábyrgð og gæði í framkvæmdaferli.
10. Ný nálgun á skólamáltíðir –hugmynd sem tengir sjálfbærni, næringu og menntun með nýrri lausn fyrir skólamáltíðakerfi​
11. Brúin – þjónusta sem aðstoðar erlend vörumerki við að festa sig á íslenskum markaði með faglegri og staðbundinni aðstoð​
12. Ræktarvaktin – snjallforrit fyrir líkamsræktarnotendur og rekstraraðila sem sameinar rauntímaupplýsingar, ráðgjöf og persónubundna upplifun​

Við óskum öllum þátttakendum til hamingju með vel unnin verkefni og þökkum Fidu Abu Libdeh fyrir frábæra leiðsögn. Framtíð íslenskrar nýsköpunar er í góðum höndum!

Til baka