Algengar spurningar

Helsta sérstaða Háskólans á Bifröst felst í einstaklingsmiðuðu háskólanámi. Í því felst að allt nám er stafrænt nám í fjarnámi. Hver og einn skipuleggur þess vegna hvar og hvenær fyrirlestrar eru sóttir. Nám við Háskólann á Bifröst hentar af þessum sökum afar vel þeim sem vilja vinna meðfram náminu eða eru erlendis.

Þá hefur Háskólinn á Bifröst áunnið sér gott orðspor sem góður og persónulegur háskóli, þar sem hver nemendandi getur notið sín á eigin forsendum. 

Og síðast en ekki síst, eru ýmsar námslínur háskólans eingöngu í boði á Bifröst, s.s. Viðskiptafræði með ólíkum áherslum, Miðlun og almannatengsl, viðskiptalögfræði, Stjórnvísindi, Öryggisfræði og almannavarnir og Skapandi greinar á grunnnámsstigi og áfallastjórnun og menningarstjórnun á meistarastigi.

Nánar um námsframboðið Háskólans á Bifröst

Tekið verður við umsóknum um nám á haustönn 2024 við Háskólann á Bifröst til 5. júní. 
Umsóknarfresturinn gildir fyrir bæði grunnnám og meistaranám. 

Ef markmiðið er að læra heima við fremsta fjarnámsháskóla landsins, þá er um að gera að senda okkur umsókn. 

Sæktu um hér.

Grunnnám
Nemendur þurfa að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst. Forgangsröðun við inntöku nemenda ræðst af einkunnum.

Meistaranám
Inntökuskilyrði í meistaranám við skólann er grunngráða háskólanáms (t.d. BS, BA, B.Ed eða BFA) sem að jafnaði hefur verið lokið með fyrstu einkunn (>7,25), eða menntun og reynsla sem telja má sambærilega við grunngráðu í háskóla . 

Meistaranám í lögfræði (ML) er sérstaklega ætlað nemendum sem lokið hafa grunnháskólagráðu í lögfræði eða viðskiptalögfræði og hafa áhuga á að starfa í réttarkerfinu, t.d. við lögmennsku.

Nemendur í meistaranámi í viðskiptalögfræði (MBL) sem ekki hafa BA/BS gráðu á sviði lögfræði þurfa að ljúka námskeiði í inngangi að lögfræði samhliða eða áður en meistaranám hefst. 

Háskólagátt

Nám í Háskólagátt er ætlað fullorðnum nemendum. Þeir sem uppfylla eitthvert af eftirfarandi geta sótt um nám í háskólagátt:

• Hafa lokið námi til starfsréttinda eða öðru námi af hæfniþrepi 2 eða hærra
• Hafa lokið Menntastoðum og hafa auk þess a.m.k. 2.-3. ára reynslu á vinnumarkaði
• Hafa lokið a.m.k. 100 einingum í framhaldsskóla (60 einingum í eldra kerfi)

Leggi umsækjandi fram gilt raunfærnimat tekur skólinn mið af því við meðhöndlun umsóknar.

Nám í Háskólagátt er lánshæft hjá Menntasjóði Námsmanna - sjá nánar á www.menntasjodur.is

Öllum umsóknum skal fylgja ferilskrá, staðfest afrit af prófskírteini, námsferilsyfirlit þar sem meðaltalseinkunn kemur fram og stutt kynningarbréf.

Skönnuð prófskírteini skulu vera í frumriti eða staðfest afrit með stimpli frá viðkomandi skóla.

Þú fylgist með stöðu umsóknar þinnar á samskiptagátt Háskólans á Bifröst.

Skólagjöld við Háskólann á Bifröst hafa verið felld niður frá og með haustönn 2024. 

Nemendur greiða á hinn bóginn skráningargjald fyrir hvert skólaár, líkt og innheimt er hjá þeim háskólum sem eru ekki með skólagjöld. 

Til að greiða skráningargjaldið þarftu að fara í samskiptagáttina, þar sem þú sóttir upphaflega um að komast í Háskólann á Bifröst. Þar birtist greiðsluhlekkur sem þú smellir á, þegar umsókn þín hefur verið samþykkt.

Gjalddagi skrásetningargjalds er 4. júlí fyrir haustönn og 6. janúar fyrir vorönn.

Frá og með 5. júlí leggst 15% álag á ógreidd skrásetningargjöld.

Eindagi skrásetningargjaldsins, þ.e. síðasti greiðsludagur 15. ágúst. Hafi gjaldið ekki verið greitt fyrir þann tíma, er litið svo á að skólavist hafi afþökkuð.  

Vinsamlegast athugaðu að í þessu felst að einungis þau sem greitt hafa skráningargjaldið geta hafið nám á haustönn.   

Greiðsla gjaldsins fer fram í samskiptagáttinni, þar sem þú sóttir um nám við HB.

Upplýsingar um skólaárið, þ.m.t. hvenær annir hefjast og hvenær þeim lýkur, má nálgast hér á háskólavefnum.

Námið í Háskólanum á Bifröst fer fram í lotubundinni kennslu. Hverri önn er skipt upp í tvær lotur, sem taka 7 vikur hvor. Hver lota gerir ráð fyrir einni staðlotu á Bifröst. Staðlotur eru í kringum helgar og er dagskrá þeirra jafnan fjölbreytt. Nemendum gefst mikilvægt tækifæri til þess að hitta kennara og samnemendur og að taka þátt í umræðum og hópverkefnum, sem og að hlýða á gestafyrirlesara úr atvinnulífinu, eftir því sem við á.

Rík áhersla er lögð á að nemendur geti annars vegar unnið sjálfstætt og hins vegar í hópi. Jafnframt er  áhersla lögð á gagnrýna hugsun og hagnýta tengingu við úrlausn raunhæfra verkefna. Verkefnavinna er stór þáttur námsmats og vinna nemendur að verkefnum jafnt og þétt yfir hverja lotu og þannig geta nemendur tileinkað sér skilning á námsefninu jafnt og þétt. Kennarar leggja inn hljóðfyrirlestra á kennslukerfi skólans reglulega til að miðla kennsluefni til nemenda. Nemendur geta síðan nálgast fyrirlestrana og farið yfir á þeim tíma sem hentar hverjum og einum. 

Upplýsingar um upphaf kennslu, kennslutímabil og aðrar mikilvægar dagsetningar eru í dagskrá skólaársins á heimasíðu skólans www.bifrost.is 

Innritaðir nemendur við Háskólann á Bifröst geta sótt um mat á fyrra námi hafi þeir stundað sambærilegt háskólanám. Umsóknir um námsmat eru í þjónustugátt HB. 

Viðtöl og ráðgjöf fara fram á skrifstofu Háskólans á Bifröst í Borgartúni 18, með fjarfundi eða símleiðis alla virka daga kl. 09:00-15:00. Hægt er að hafa samband í beint símanúmer 433 3028, og netfangið namsradgjöf@bifrost.is og er hægt bóka tíma á hlekknum hér að neðan:

Viðtöl eru bókuð hér á bókunarvef náms- og starfsráðgjafar

Nemendur geta sótt um starfsnám í stað valnámskeiðs. Starfsnámið er í öllum tilvikum ólaunað en nemendur fá 6 ECTS einingar fyrir fulla vinnu í fjórar vikur (160 klukkustundir). Starfsnámið er valkostur sem nemendur í öllum námslínum í grunn- og meistaranámi geta sótt um.

Skilyrði þess að komast í starfsnám er að nemandi hafi lokið 110 ECTS í grunnnámi og 30 ECTS í meistaranámi og hafi fyrstu einkunn. Ákvörðun um hvort nemandi fái námsvist byggist á námsárangri, hversu langt nemandi er kominn í námi svo og þörfum og óskum samstarfsaðila skólans.

Unnur Símonardóttir hefur umsjón með starfsnáminu og hafa má samband við hana vegna starfsnáms á netfanginu starfsnam@bifrost.is

Nánar um starfsnám hér: https://www.bifrost.is/namid/nam-vid-haskolann-a-bifrost/starfsnam-