Meistaranám í viðskiptalögfræði við Háskólann á Bifröst er hagnýtt og krefjandi nám fyrir stjórnendur í atvinnulífinu sem og afburða kostur fyrir þá sem hafa lokið grunnnámi í lögfræði. MBL gráða er 90 ECTS eininga nám án ritgerðar.
MBL nám í viðskiptalögfræði er eina nám sinnar tegundar á Íslandi. Námið er stjórnendamiðað og meginmarkmið þess er að undirbúa nemendur fyrir starf stjórnandans í viðskiptalífinu með hagnýtri menntun á sviði viðskiptalögfræði. Námið veitir trausta, fræðilega þekkingu á sviði viðskiptalögfræði og er sérlega hagnýtt nám þar sem það undirbýr nemendur fyrir krefjandi störf í fjölbreytilegu starfsumhverfi.
Námið er ætlað jafnt nemendum með BS eða BA gráðu í lögfræði og þeim sem lokið hafa háskólaprófi úr öðrum greinum.
-
Lærðu heima
Háskólinn á Bifröst er í fararbroddi í fjarnámi, sem gerir þér kleift að vera í námi á þínum forsendum. Áhersla er lögð á einstaklingsbundna nálgun og námsumhverfi er stafrænt og sveigjanlegt. Stafrænt fjarnám er þannig frábær valkostur fyrir fólk sem hentar að vera í sveigjanlegu háskólanámi, vegna vinnu með námi eða af einhverjum allt öðrum ástæðum. Nánar um námið við Háskólann á Bifröst
-
Inntökuskilyrði
Samkvæmt 22. gr. Reglugerðar Háskólans á Bifröst eru inntökuskilyrði í meistaranám grunnháskólagráða (bakkalár), eða sambærileg menntun af hæfniþrepi 1.2, sem að jafnaði hefur verið lokið með 7,25 í einkunn eða jafngildi þess.
Meistaranám í Lögfræði (ML) er sérstaklega ætlað nemendum sem lokið hafa grunnháskólagráðu í lögfræði eða viðskiptalögfræði og hafa áhuga á að starfa í réttarkerfinu, t.d. við lögmennsku.
Nemendur í meistaranámi í viðskiptalögfræði (MBL) sem ekki hafa BA/BS gráðu á sviði lögfræði þurfa að ljúka námskeiði í inngangi að lögfræði samhliða eða áður en meistaranám hefst.
-
Fyrirkomulag námsins
Miðað við fullt nám er unnt að ljúka MBL meistaranámi í lögfræði á þremur önnum en ML meistaranámi á fjórum önnum.
Nemandur geta jafnframt tekið meistaranám í lögfræði á þeim hraða sem hentar og fellur fjarnámið ekki síst að þörfum þeirra sem vilja sækja sér framhaldsmenntun samhliða vinnu.
-
Réttindi að námi loknu
ML gráða í lögfræði er 120 ECTS eininga nám sem lýkur með meistararitgerð. Nemandi sem lýkur ML gráðu getur sótt sér framhaldsmenntun á meistara- og doktorsstigi sem takmarkast þó af reglum einstakra skóla um lágmarksfjölda eininga í hverri námsgrein, lágmarkseinkunnum og fleira.Nemandi sem lýkur ML námi og hefur áður lokið grunnnámi í lögfræði öðlast fullnaðarpróf í lögfræði og uppfylla því almenn skilyrði til að gegna störfum dómara og málflytjenda.
MBL nám í viðskiptalögfræði er 90 ECTS. Nemandi sem lýkur MBL námi getur sótt sér framhaldsmenntun á meistarastigi en ekki á doktorsstigi. Til að fá fullnaðarpróf í lögfræði, sem er skilyrði þess að hafa rétt til að sækja námskeið til öflunar héraðsdómslögmannsréttinda, þarf nemandi að hafa grunn– og meistaranám (ML gráðu) í lögfræði.
-
Umsóknarfrestur
Ekki er tekið við umsókum fyrir vorönn 2025. Umsóknarfrestur vegna náms á haustönn 2025 er til 5. júní.
Opnað verður fyrir umsóknir vegna haustannar þann 1. mars 2025.