Nám í áfallastjórnun er hægt að taka til diplómu og meistaraprófs, MA eða MCM. Háskólinn á Bifröst er eini háskóli landsins sem býður upp á námslínu í áfallastjórnun.
Diplóma er 60 eininga nám á meistarastigi.
Áfallastjórnun snýr að forvörnum og viðbúnaði, viðbrögðum, lærdómi og endurreisn vegna áfalla. Á síðastliðnum áratugum hafa fyrirtæki, stofnanir og jafnvel heilu samfélögin þurft að glíma við sífellt flóknari áföll, m.a. vegna þróunar byggða, loftlagsáhrifa, aukinnar alþjóðavæðingar og aukinna samskipta fólks. Náttúruhamfarir, efnahagsáföll, stríð, hryðjuverk og faraldrar eru meðal þeirra áfalla sem hafa verið mest krefjandi í heiminum á þessu tímabili.
Á sama tíma hefur almenningur krafist þess í auknum mæli að stjórnendur og stefnumótendur veiti betri forystu þegar spáð er fyrir um hugsanleg áföll og brugðist við þeim. Reynslan hefur sýnt að þessir aðilar eru oft ekki nægilega vel undirbúnir undir þessi verkefni. Síaukin og nýleg þörf á markvissari áfallastjórnun hefur hvatt fræðimenn til að þróa þekkingu og skilning á þeim ferlum og mannlegri hegðun sem hafa áhrif þegar áföll dynja á. Til þess hafa þeir leitað eftir samvinnu við viðbragðsaðila—þeirra sem reynsluna hafa.
Áfallastjórnun er ung fræðigrein í örum vexti og hefur þegar skilað betri innsýn til þeirra stjórnenda og stefnumótenda sem með tileinkun á nýrri þekkingu og þjálfun hafa getað skilað markvissari áfallastjórnun.
Auk félagsvísindadeildar Háskólans á Bifröst koma að náminu Almannavarnadeild ríkislögreglustjóra, Slysavarnarfélagið Landsbjörg, Rauði krossinn á Íslandi, Samband íslenskra sveitarfélaga og Slökkvilið höfuðborgarsvæðisins. Þar sem Háskólinn á Bifröst er eini háskólinn sem býður uppá námslínu í áfallastjórnun er dýrmætt að geta boðið hana í samvinnu við helstu viðbragðsstofnanir samfélagsins.
Lögð er áhersla á að námið sé hagnýtt og byggt á fræðilegum grunni. Inntökuskilyrði í námið er grunngráða háskólanáms (t.d. BS, BA, Bed eða BFA) eða menntun og reynsla sem telja má sambærilega við grunngráðu í háskóla.
Diplómanám í áfallastjórnun er 60 ECTS nám sem er skipulagt yfir tvær annir. Þá býðst nemendum að bæta við 30 ECTS til meistaragráðu, MA eða MCM í áfallastjórnun við félagsvísindadeild Háskólans á Bifröst.
-
Umsóknarfrestur
Ekki er tekið við umsókum fyrir vorönn 2025. Umsóknarfrestur vegna náms á haustönn 2025 er til 5. júní.
Opnað verður fyrir umsóknir vegna haustannar þann 1. mars 2025.
-
Fyrirkomulag kennslunnar
Við Háskólann á Bifröst er áhersla lögð á persónulega þjónustu til nemenda. Ánægjukannanir sýna að mikill meirihluti nemenda er afar ánægður með námið og samskipti við kennara og starfsfólk.
Hverri önn við Háskólann á Bifröst er skipt upp í tvær lotur. Verkefnavinna er stór þáttur í námsmati háskólans og vinna nemendur að verkefnum jafnt og þétt yfir lotur skólaársins.
Sjö vikur eru í hvorri lotu og ein staðlota, þar sem nemendur hitta kennara og samnemendur og taka þátt í umræðum og hópverkefnum. Önnur sérstaða í kennsluháttum Háskólans á Bifröst eru misserisverkefni eða missó, eins og verkefnin eru gjarnan nefnd. Missó tekur mið af á kennsluaðferð sem kallast lærdómsþróun (e. learning by developing) og miðar að því að auka hæfni nemenda fyrir vinnumarkað að námi loknu. Nánar um námið á Bifröst
-
Lærðu heima
Háskólinn á Bifröst er í fararbroddi í fjarnámi, sem gerir þér kleift að vera í námi á þínum forsendum. Áhersla er lögð á einstaklingsbundna nálgun og námsumhverfi er stafrænt og sveigjanlegt. Stafrænt fjarnám er þannig frábær valkostur fyrir fólk sem hentar að vera í sveigjanlegu háskólanámi, vegna vinnu með námi eða af einhverjum allt öðrum ástæðum. Nánar um námið við Háskólann á Bifröst
