Heimildaleit

Heimildaleit skref fyrir skref

• Þið þurfið að auðkenna ykkur til að komast í heildartexta í rafrænum safnkosti með WAYF, sem þýðir að þið skráið ykkur inn í gegnum Microsoft með bifrastarnetfangi og lykilorði. Smella síðan á OK þegar WAYF millisíðan kemur upp.
• Aðgangur að Snöru er áfram með VPN.
• VPN innskráningarleið gæti enn þurft að nota í sumum tilfellum, sérstaklega ef notendur eru staddir utan Íslands - setja upp VPN tengingu og tengjast vafra með henni áður en heimildaleit hefst

Fyrstu skref

• Fyrsta skref er að skilgreina viðfangsefnið vel, hver er rannsóknarspurningin, um hvað er verkefnið þitt? Geturðu fundið grundvallarhugtök sem tengjast henni? 
• Kannski eru grunnhugtökin kennd í námskeiðinu, kannski getur leiðbeinandi aðstoðað þig með sérstök orð eða hugtök um efnið.
• Veldu svo hentug leitarorð, prófa bæði ensk og íslensk
• Athuga víðari og þrengri heiti, samheiti, mismun á enskum og bandarískum rithætti, behaviour eða behavior o.s.frv.

Nokkur hagnýt ráð

• Prófið að setja * í endann á orði, t.d. progast* - stjarnan gefur leitarvélinni möguleika á að finna orð sem enda á mismunandi hátt frá þeim stað þar sem hún er sett og útilokar þannig ekki mun á bandarískum eða breskum rithætti, eintölu eða fleirtölu.
• Prófið að setja gæsalappir utan um tvö orð, t.d. "marketing creative industries" - þannig takmarkar leitarvélin sig við aðeins þessa samsetningu orða í niðurstöðunni.
• Forðist að nota Google í fyrstu leit, þið eruð að leita að sérhæfðara efni en venjulega og algorithmi Google þekkir leitarhegðun ykkar og vinnur út frá henni. Notið frekar Google Scholar.
• AND með hástöfum milli tveggja orða, leitar að öllu efni með báðum orðunum, virkar svipað og gæsalappir, í Google Scholar er líka hægt að setja plús/+ á milli orða 
  NOT með hástöfum milli tveggja orða, leitar aðeins að fyrra orðinu og ekki því sem er með NOT fyrir framan, í Google Scholar er líka hægt að setja mínus/- á milli orða 
  OR með hástöfum milli tveggja orða, leitar að 
• Skoðið vel þrengingarmöguleika eða afmörkun leitar við ákveðna þætti, t.d. ritrýnt efni, tímabil eða efni. Í flestum leitarvélum eru þessir möguleikar settir fram vinstra megin á síðunni.

Nemendur eru hvattir til að hefja heimildaleit í efni sem er til í bókasafni Háskólans á Bifröst.

Séu niðurstöður ekki eins og vænst er til er hægt að víkka leitina með því að fara á Leitir.is og/eða Google Scholar sem leita í stærri potti. Þá getur verið nauðsynlegt að þrengja leitina og jafnvel afmarka leitina enn frekar með því að fara beint í þau gagnasöfn sem í boði eru,  sjá lista neðst á þessari síðu.

Nemendur geta innskráð sig á leitir.is og fengið þannig möguleika að að biðja um rit í millisafnláni. Hægt er að nota rafræn skilríki til innskráningar í bifrost.leitir.is, þar er hægt að vista heimildaleitina á "Mínar síður" Innskráning gefur einnig möguleika á að framlengja lán og panta efni í millisafnaláni. Á forsíður Leitir.is geta nemendur sótt sér stafræn bókasafnsskírteini með QR kóða.