Háskólagátt - aðfararnám

Markmið aðfararnáms við Háskólann á Bifröst er að veita fólki tækifæri til að sækja sér öflugan undirbúning fyrir nám á háskólastigi. Nám við Háskólagátt hentar þeim sem uppfylla ekki aðgangsviðmið í grunnnám háskóla eða vilja sækja sér góðan undirbúning áður en þeir hefja háskólanám.
Námið er 70 f-einingar og hægt er að ljúka því á einu ári eða skrá sig í háskólagátt með vinnu og dreifa því á lengri tíma.

Jafnframt er nám við Háskólagátt á ensku í boði fyrir þá sem hafa erlent móðurmál. Námið er 90 f-einingar sem jafngildir fullu námi í tvö ár. Dreifa má náminu á lengri tíma og þannig er mögulegt fyrir nemendur að taka námið með vinnu. Nemendur taka námskeið í íslensku sem eru samtals 40 f-einingar í náminu.

Nemandi sem lýkur námi við Háskólagátt eða Háskólagátt á ensku með fullnægjandi árangri uppfyllir aðgangsviðmið í grunnnám allra deilda við Háskólann á Bifröst. Aðrir háskólar setja sín eigin aðgangsviðmið og nemendur sem stefna á nám við annan háskóla eru hvattir til að kanna vel aðgangsviðmið þess skóla áður en þeir sækja um nám hjá Háskólagátt Bifrastar.