Nám með samfélagslega sérstöðu

Fyrir nokkrum vikum birti Dr. Ólína Kjerúlf Þorvarðardóttir, deildarforseti Félagsvísindadeildar, grein á Vísi.is - Herleysið er okkar vörn. Grein Ólínu er að hluta til svar við skrifum Bjarna Más Magnússonar, prófessors og deildarforseta Lagadeildar, um aðgerðir til að efla stjórnsýslu varnarmála á Íslandi. Í grein sinni talar Ólína um að aðstæður á alþjóðavettvangi hafi breyst mikið á skömmum tíma. „Auðsýnd ásælni Bandaríkjaforseta í landsvæði og auðlindir á Norðurslóðum sem víðar, hefur valdið ótta og vakið okkur til umhugsunar um stöðu Íslands. Munum við sogast inn í hringiðu landvinningaátaka, varnarlítil örþjóð norður í Ballarhafi? Hvað er til ráða? Hvernig tryggjum við öryggi landsins?“ Hlutverk háskólasamfélagsins og fjölmiðla segir Ólína nú mikilvægara en nokkru sinni fyrr, þegar upplýsingaóreiða og óskýrar línur ríkja í alþjóðastjórnmálum.

Við Félagsvísindadeild Háskólans á Bifröst er nú boðið upp á tvær nýjar námslínur sem fjalla einmitt um stöðuna í breyttum heimi. Annars vegar grunnnámslínuna Öryggisfræði og almannavarnir og hins vegar meistaranámslínuna Áfallastjórnun. Báðar námslínur mennta fólk í viðbrögðum og ferlum þegar kemur að ýmsum áföllum, bæði af manna völdum og náttúrunnar.

Þar til viðbótar hefur ný meistaranámslína nú litið dagsins ljós við Félagsvísindadeild; Samskiptastjórnun. Upplýsingaóreiða og óljós skil milli fjölmiðla og annarra samskiptamiðla geta verið ógn við samfélagsskipan og öryggi. Í náminu er fjallað um þverfaglegt samband miðlunar og samskipta í breytilegu nútímaumhverfi þar sem örugg miðlun upplýsinga og traust samskipti eru undirstaðan.

Það má því með sanni segja að Háskólann á Bifröst bjóði upp á nám sem nýtist samfélaginu öllu með því að geta af sér einstaklinga með djúpan skilning á flóknum verkefnum í bæði innanríkis- og alþjóðamálum.

Opið er fyrir umsóknir – kynntu þér málið!

Til baka