Samfélagsmiðlamarkaðssetning

Nám með áherslu á samfélagsmiðlamarkaðssetning er eitt af átta kjörsviðum í viðskiptafræði, en nemandi getur valið um allt að tvær slíkar áherslur í BS námi sínu.

Þetta kjörsvið er sniðið að þörfum þeirra sem vilja sérhæfa sig í stafrænni markaðssetningu á samfélagsmiðlum.

Námið er sérstaklega sniðið að þörfum þeirra, sem starfa eða stefna að því að starfa hjá auglýsingastofum og almannatengslafyrirtækjum eða í markaðs- og kynningarmálum hjá fyrirtækjum, stofnunum og félögum. 

Sérstök áhersla er lögð á, að nemendur öðlist reynslu og hæfni til þess að nýta þekkingu sína á hagnýtan hátt. Kennarar eru sérfræðingar í samfélagsmiðlastjórnun og með mikla reynslu á því sviði.

Sérhæfing námsins kemur fram í eftirfarandi skyldunámskeiðum:

  • Markaðssamskipti og auglýsingastjórnun
  • Stafræn markaðssetning
  • Stjórnun stafrænna miðla
  • Tilgangur og eðli samfélagsmiðla

Sækja um

Kennsluskrá

Áherslur í viðskiptafræði

  • Nám í viðskiptafræði á Bifröst

    Markmiðið með grunnnámi í viðskiptafræði við Háskólann á Bifröst er að gera nemendum kleift að nýta frumkvæði sitt og sjálfstæði til aukinna áhrifa og ábyrgðarstarfa.

    Námið miðar að því að nemendur afli sér þekkingar og færni á sviði viðskipta auk þess að vinna að raunverulegum verkefnum. Fræðilegi hluti Þess felur í sér skilning á fræðilegri greiningu og kenningum og hæfni til að vinna með þær. Þverfagleg nálgun miðar svo að því að efla gagnrýna og skapandi hugsun, atvinnulífi og samfélagi til góða. 

    Nánar um sérstöðu námsins við Háskólann á Bifröst 

  • Umsóknarfrestur

    Ekki er tekið við umsókum fyrir vorönn 2025. Umsóknarfrestur vegna náms á haustönn 2025 er til 5. júní.

    Opnað verður fyrir umsóknir vegna haustannar þann 1. mars 2025.

    Sækja um

  • Inntökuskilyrði

    Til að geta innritast í námið þurfa nemendur að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst.

    Forgangsröðun við inntöku nemenda ræðst af einkunnum.