Lög og sjálfbærni

24 ECTS örnám

Löggjöf skapar sterka hvata sem geta haft bæði jákvæð og neikvæð samfélagsleg áhrif. Setning nýrra laga er meðal þeirra aðferða sem nú er beitt við að ná tökum á loftslagsvanda af manna völdum og annarri alvarlegri þróun á lífríki jarðar. Ný löggjöf getur þó stundum haft ófyrirséð hliðaráhrif og eldri löggjöf getur skapað hindranir sem koma í veg fyrir hraðar breytingar.

Í þessari námslínu er farið yfir mest aðkallandi sjálfbærnivandamál samtímans og hvernig löggjöf Evrópusambandsins sem nú er verið að innleiða hér á landi er ætlað að takast á við þau. 

Námslínan hentar fyrir þau sem starfa í íslensku atvinnulífi, hvort heldur sem er hjá fyrirtækjum, stofnunum eða í þriðja geiranum og hafa áhuga á að auka skilning sinn á íslensku lagaumhverfi og öðlast hagnýta þekkingu á sviði sjálfbærni.

Fjöldi ECTS eininga og dreifing vinnuálags

Námið er samtals 24 ECTS einingar og samanstendur af fjórum námskeiðum sem eru 6 ECTS einingar hvert. Hvert námskeið er kennt í sjö vikna lotu í fjarnámi. Fjórar lotur sem dreifast á haust- og vorönn.

  • Inngangur að lögfræði 1 – Lota 1 haustönn
  • Sjálfbærni stjórnun – Lota 2 á haustönn
  • Loftslagsréttur – Lota 1 vorönn
  • Orkumálaréttur – Lota 2 vorönn

Fagstjóri námsins er Elín H. Jónsdóttir

  • Aðgangsviðmið

    Gerð er krafa um að umsækjandi hafi lokið grunnháskólagráðu (bakkalár), sem að jafnaði hefur verið lokið með fyrstu einkunn (7,25 eða hærra) eða jafngildi þess.

    Umsækjendur sem hafa grunngráðu í lögfræði þurfa ekki að taka Inngang að lögfræði til þess að skrá sig í þetta örnám.

  • Hæfnis- og lærdómsviðmið

    Nemandi hafi öðlast þjálfun í fræðilegum og hagnýtum þáttum sem snúa að úrlausn lögfræðilegra álitaefna í tengslum við sjálfbærni. Þekki og skilji alla helstu þætti er viðkoma sjálfbærni fyrir fyrirtæki, stofnanir eða þriðja aðila á lagaeglum grundvelli.

     Nemandi öðlast getu og hæfni til þess að afla og greina viðeigandi gögn og heimildir og rökstyðja lögfræðilega niðurstöðu. Auk þess að geta rökrætt og tjáð sig um lagaleg úrlausnarefni á faglegan máta ásamt því að að geta tekið sjálfstæðar, faglegar ákvarðanir og rökstutt þær á lögfræðilegum grunni.

  • Námsmat

    Áhersla er á verkefnadrifið námsmat þar sem nemendur vinna m.a. raunhæf verkefni, spurningakannanir, ritgerðir og munnlegt eða skrifleg próf auk þess að taka þátt í umræðum.

  • Að námi loknu

    Nemandi sem lýkur námsleið í örnámi fær staðfestingu á námslokum með upplýsingum um fjölda ECTS eininga. Hann fær einnig námsferilsyfirlit með upplýsingum um skipulagningu örnámsins.

    Námskeið í örnámi leiða ekki að prófgráðu.

    Nemandi sem lýkur stökum námskeiðum í örnámi til ECTS eininga, en ekki fullri námsleið fær námsferilsyfirlit yfir lokin námskeið.

    Nemandi sem lýkur ekki ECTS einingum fær ekki staðfestingu á námslokum, en þeir geta fengið staðfestingu á skráningu.

    Einingum sem lokið er í þessari námslínu geta nýst til MBL gráðu í viðskiptalögfræði að teknu tilliti til reglna háskólans um mat á fyrra námi.

  • Umsóknarfrestur

    Ekki er tekið við umsókum fyrir vorönn 2025. Umsóknarfrestur vegna náms á haustönn 2025 er til 5. júní.

    Opnað verður fyrir umsóknir vegna haustannar þann 1. mars 2025.

    Sækja um

Kennsluskrá

Sækja um