Velkomin til starfa

Ástdís Pálsdóttir Bang hefur verið ráðin í 50% starf sem sálfræðingur við Háskólann á Bifröst. Hún hóf störf þann 17. mars sl.

Háskólinn á Bifröst býður öllum nemendum upp á sálfræðiþjónustu, þeim að kostnaðarlausu. Þjónustan er miðuð að þörfum hvers einstaklings og er fullum trúnaði heitið. Sagt er nánar frá sálfræðiþjónustu háskólans á Uglu.

Ástdís útskrifaðist með BAc gráðu í sálfræði frá Háskólanum á Akureyri árið 2018 og með MSc gráðu í klínískri sálfræði frá Háskólanum í Reykjavík árið 2020, hún fékk starfsleyfi sálfræðings það sama ár.

Ástdís öðlaðist fjölbreytta reynslu undir handleiðslu reyndra sálfræðinga á þremur stöðum í meistaranámi sínu: Grensásdeild Landspítalans, þjónustumiðstöð Vesturbæjar, Miðborgar og Hlíða og á Heilsugæslu Höfuðborgarsvæðisins. Í meistararannsókn sinni rannsakaði Ástdís tíðni þunglyndiseinkenna aldraðra á Íslandi.

Ástdís hefur starfsreynslu frá Heilbrigðisstofnun Suðurnesja og Samskiptastöðinni, þar sem hún hefur sinnt greiningu og meðferð á fullorðnum og öldruðum.

Til baka