Starf kennslustjóra við Háskólann á Bifröst

Háskólinn á Bifröst leitar að kennslustjóra með skipulags- og stjórnunarhæfileika, reynslu á sviði skólamála og metnað og áhuga á að taka virkan þátt í frekari uppbyggingu og þróun fjarnáms. Háskólinn á Bifröst er framsækinn háskóli sem hefur verið leiðandi í uppbyggingu hagnýts fjarnáms á háskólastigi hér á landi síðastliðin 20 ár.  

Helstu verkefni og ábyrgðarsvið:

• Stjórnun kennslu- og þjónustusviðs skólans.
• Ábyrgð á kennslu- og prófakerfum og þátttaka í þróun stafrænnar þjónustu.
• Ábyrgð á skipulagi, mati á námi, innritun, prófum og brautskráningu nema.
• Ábyrgð á tölfræðilegum upplýsingum.
• Þróun á sviði kennslumála, námskrár, kennslufyrirkomulags ofl. 
• Ábyrgð á birtingu námskeiðslýsinga og námskráa í samráði við deildarforseta.
• Ábyrgð á upplýsingastreymi til kennara og nema um skipulagsmál.
• Skipulagning fræðslu fyrir kennara í samvinnu við deildarforseta.
• Þátttaka í nefndarstarfi utan og innan skólans eftir atvikum.
• Samstarf og samráð við aðra stjórnendur skólans varðandi kennslumál.
• Kennslustjóri situr í framkvæmdastjórn skólans og háskólaráði.

Hæfniskröfur:

• Meistaragráða sem nýtist í starfi.
• Þekking á skólaumhverfi, kennslukerfum, uppbyggingu og þróun náms.
• Reynsla af umsjón og skipulagsmálum í skólastarfi.
• Reynsla af stjórnun, skipulagsmálum og/eða kennslu á háskólastigi er kostur.
• Færni í greiningu og túlkun tölfræðilegra gagna.
• Leiðtoga- og stjórnunarfærni.
• Skipulagshæfileikar.
• Samskipta- og samráðsfærni.
• Mjög góð færni í íslensku og ensku, í ræðu og riti.

Umsókn: Með umsókn skulu fylgja náms- og starfsferilságrip, afrit af útskriftarskírteinum og kynningarbréf þar sem kemur fram m.a. lýsing á hugmyndum umsækjanda um hlutverk kennslustjóra á háskólastigi, hugmyndafræði í kennslumálum og stjórnun og teymisvinnu starfsfólks. Starfsstöð: Bifröst.

Nánari upplýsingar og umsóknarvef er að finna hér: https://alfred.is/starf/kennslustjori

Umsóknarfrestur er til og með 5. júlí 2020.

Til baka