Háskólinn á Bifröst verður með opinn dag laugardaginn 29. apríl, milli 14.00 – 17.00.  Á opna deginum verður námsframboð skólans kynnt og nemendur bjóða gestum í gönguferðir um svæðið og skólann. Einnig verður skemmtidagskrá fyrir alla fjölskylduna í boði yfir daginn.

 

Fulltrúar hverrar deildar og Háskólagáttar verða með tvær kynningar yfir daginn í Meistarastofu og Aðalbóli og er dagskráin sem hér segir:

 

14:15 og 15:15 Háskólagátt  

 

14:15 og 15:15 Viðskiptadeild

 

14:45 og 15:45 Félagsvísindadeild

 

14:45 og 15:45 Lagadeild

 

Tónleikar og Leikhópurinn Lotta

Á Opnum degi verður einnig glæsileg skemmtidagskrá í boði fyrir alla fjölskylduna. Alda Dís og Eiríkur Hafdal halda tvenna tónleika í Hriflu klukkan 14:30 og 16:15. Þá verður Leikhópurinn Lotta með sýningu fyrir yngstu kynslóðina kl. 15 og andlitsmálning verður í boði. Árlegt  vöfflukaffi verður einnig á sínum stað í hátíðarsal skólans á vegum Kvenfélags Stafholtstungna.

 

Nánari upplýsingar um daginn má finna á heimasíðu háskólans hér

Facebook viðburð Opna dagsins 29. apríl má finna hér

 

Verið hjartanlega velkomin á opinn dag Háskólans á Bifröst.