Nýtt loftslagsráð skipað

Bjarni Már Magnússon, deildarforseti við lagadeild Háskólans á Bifröst, var í dag skipaður í loftslagsráð til næstu fjögurra ára, 2024 til 2028.

Loftslagsráð er nú skipað níu fulltrúum sem hafa reynslu og þekkingu á loftslagsmálum og eru ráðsmenn fulltrúar m.a. atvinnulífsins, háskólasamfélagsins, sveitarfélaga og umhverfisverndarsamtaka. Meginhlutverk ráðsins er að vera stjórnvöldum ráðgefandi við stefnumarkandi ákvarðanir ásamt því að veita þeim aðhald í loftslagsmálum.

Formaður ráðsins, Halldór Þorgeirsson, var endurskipaður ásamt Brynhildi Davíðsdóttur, prófessor í umhverfis- og auðlindafræði við Háskóla Íslands, sem verður áfram varaformaður þess.

Önnur sem eiga sæti í loftslagsráði eru:

• Halldór Björnsson, loftslagsfræðingur og formaður vísindanefndar um loftslagsmál;
• Helga Jóhanna Bjarnadóttir, sviðsstjóri hjá Eflu - þekkingarfyrirtæki, f.h. Samtaka atvinnulífsins;
• Stefán Þór Eysteinsson, bæjarráði Fjarðabyggðar, f.h. Sambands íslenskra sveitarfélaga;
• Auður Alfa Ólafsdóttir, sérfræðingur hjá Alþýðusambandi Íslands, f.h. heildarsamtaka launþega;
• Bjarni Már Magnússon, prófessor við Háskólann á Bifröst
• Bjarni Diðrik Sigurðsson, prófessor við Landbúnaðarháskóla Íslands, f.h. Samstarfsnefndar háskólastigsins;
• Þorgerður María Þorbjarnardóttir, jarðfræðingur, f.h. umhverfis- og náttúruverndarsamtaka.

Jafnframt voru tveir fulltrúar úr háskólasamfélaginu skipaðir varafulltrúar í forföllum aðalfulltrúa eftir atvikum. Þeir eru Helga Ögmundardóttir, dósent við Háskóla Íslands og Ingibjörg Svala Jónsdóttir, prófessor við Háskóla Íslands.

Skipan loftslagsráðs er á hendi umhverfis-, orku- og loftslagsráðherra og er skipan þess, eins og áður segir, til fjögurra ára í senn.

Nánari upplýsingar má nálgast hér

Til baka