Forseti lagadeildar tekur sæti í bankaráði Landsbankans
Elín H. Jónsdóttir forseti lagadeildar Háskólans á Bifröst tók sæti í bankaráði Landsbankans á aðalfundi bankans 24. mars 2021.
Elín kom til starfa við Háskólann á Bifröst um mitt síðasta ár, fyrst sem ráðgjafi og umsjónarmaður laganáms við félagsvísinda- og lagadeild, en frá áramótum sem deildarforseti lagadeildar. Lagadeild verður frá komandi hausti rekin sem sérstök deild við háskólann og mun sem fyrr lögð áhersla á viðskiptalögfræði sem kennd er til BS og MBL gráðu auk ML gráðu í lögum.
Elín var forstjóri Bankasýslu ríkisins um tveggja ára skeið. Hún stýrði eignastýringarsviði Íslandsbanka frá 2014 til 2017 og hefur meðal annars setið í stjórnum Regins fasteignafélags, Tryggingamiðstöðvarinnar, Promens, Icelandair, Borgunar og Skeljungs.
Háskólinn á Bifröst óskar Elínu velfarnaðar í störfum sínum í bankaráði Landsbankans.
Hvers vegna að velja Bifröst?
- Í fararbroddi í fjarnámi
- Allt námsefni aðgengilegt á netinu þegar þér hentar
- Skólinn kemur til þín og mætir þínum þörfum
- Sterk tengsl við atvinnulífið
- Persónuleg þjónusta