Refsiréttur

Refsiréttur

Á námskeiðinu verður farið yfir hinn almenna hluta refsiréttarins – grunnreglur refsiréttar og grunnhugtök, s.s. hugtakið afbrot, flokkun afbrota, skilyrði refsiábyrgðar og lok (refsinæmi, ólögmæti, saknæmi, sakhæfi, refsileysis- og refsilokaástæður), neyðarvörn og neyðarrétt, tilraun hlutdeild og afturhvarf. Einnig verður gerð grein fyrir viðurlagakerfinu og réttlætingu eða rökum á bak við refsingar. Gestakennari mun fjalla sérstaklega um fjármunaréttarbrot samkvæmt hegningarlögum og ýmsum sér refsilögum, ásamt því sem fjallað verður um s.k. efnahagsbrot.

Sjá kennsluskrá.

Fyrir hverja, þátttökugjald, forkröfur og einingar

Námskeiðið er fyrir þá sem vilja öðlast skilning á grunnhugtökum og grunnreglum refsiréttar

Þátttökugjald er 75.000 kr.  

Gerð er krafa um að hafa lokið stúdentsprófi eða sambærilegri menntun, t.d. úr Háskólagátt Háskólans á Bifröst

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í lotubundnu fjarnámi. Námskeiðið stendur yfir í sjö vikur og nemendur mæta í eina vinnustofu í Borgarnesi. Kennsla hefst 24. febrúar 2025 og stendur til 12. apríl 2025. Staðlota verður á tímabilinu 13.-16. mars í Borgarnesi, en nánari tímasetning er kynnt í námskeiðinu. Námsmat fer fram dagana 6.-12. apríl.

Þátttakendur taka námskeiðið ásamt nemendum í grunnnámi Háskólans á Bifröst. Þátttakendur geta búist við að verja um 25-30 klukkustundum á viku í vinnu við námskeiðið.     

Kennari

Kennari námskeiðsins er Unnar Steinn Bjarndal Björnsson

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 23. febrúar 2025.

Vinsamlegast láttu fylgja gögn í viðhengi sem sýna að þú uppfyllir aðgangsviðmið. 

Allar nánari upplýsingar eru veittar á netfanginu endurmenntun@bifrost.is.

Hér má sjá nánari upplýsingar um Endurmenntun til eininga við Háskólann á Bifröst

 

Skráning

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

 

Svona skráir þú þig á námskeið:

  1. Fylla þarf út umsóknareyðublað í umsóknargáttinni.
  2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
  3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.