![Hópurinn að fyrri fundardegi loknum, ásamt litla sjarmatröllinu Ara, sem mætti galvaskur með mömmu sinni, Hönnu Kristínu, á fundinn í dag og Iðunni Leosdóttur, verkefnastjóra á Skrifstofu rektors.](/media/1/cost-fintech-082024.jpg?w=920&scale=both&autorotate=true)
Hópurinn að fyrri fundardegi loknum, ásamt litla sjarmatröllinu Ara, sem mætti galvaskur með mömmu sinni, Hönnu Kristínu, á fundinn í dag og Iðunni Leosdóttur, verkefnastjóra á Skrifstofu rektors.
27. ágúst 2024Gerum fjármálin græn
Hanna Kristín Skaftadóttir, fagstjóri viðskiptagreindar við viðskiptadeild HB, átti góðan fund í dag með evrópskum sérfræðingum í gervigreind og fjármálastjórnun.
Viðfangsefni fundarins spanna vítt svið, en á meðal þess sem er á dagskrá þessa tveggja daga fundar má nefna hagnýtingu gervigreindar í þágu sjálfbærar fjármálastjórnunar.
Af öðrum áhugaverðum umræðuefnum má nefna gervigreind í lánshæfismati, innleiðingu rafrænna greiðslukerfa í Albaníu, gagnaöflun fjármálastofnana hjá litlum og meðalstórum fyrirtækjum og nýjar aðferðir í gagnaflokkun og -úrvinnslu.
Fundurinn fer fram bæði sem staðfundur í fundarsal Tónlistarmiðstöðvar í Austurstræti, Reykjavík, og sem fjarfundur, en sjálfur viðburðurinn er liður í COST verkefni á sviði FinTech/AI.
Hvers vegna að velja Bifröst?
- Í fararbroddi í fjarnámi
- Allt námsefni aðgengilegt á netinu þegar þér hentar
- Skólinn kemur til þín og mætir þínum þörfum
- Sterk tengsl við atvinnulífið
- Persónuleg þjónusta