Skólagjöld skólaárið 2022-2023 

Skólagjöld eru ákveðin fyrir hvert skólaár í senn. Skólaárið í grunn- og meistaranámi, háskólagátt og endurmenntun hefst um mánaðamótin júlí/ágúst. Skólagjöld eru að jafnaði lánshæf hjá Menntasjóði námsmanna.

Ákvörðun um breytingu skólagjalda á milli ára er tekin af stjórn háskólans með hliðsjón af áætluðum breytingum á launakostnaði og verðlagi. Skólagjöld eru ákvörðuð við gerð fjárhagsáætlunar háskólans fyrir komandi skólaár og eru kynnt samhliða. Breytingar taka gildi á komandi haustönn.  

Innheimtufulltrúi er Elín Davíðsdóttir og hafa má samband við hana gegnum netfangið innheimta@bifrost.is.

Háskólagátt

Verð á einingu í háskólagátt kr. 3.500 og er verðið á 5 eininga áfangi því kr. 17.500. Við samþykkt umsóknar greiðir nemandi hluta skráningargjalda, eða kr. 35.000 í staðfestingargjald, sem jafngildir verði fyrir 10 einingar. Þegar frestur til að skrá sig úr námskeiðum hefur runnið út fær nemandi sendan greiðsluseðil fyrir þeim einingum sem eftir standa. 

Grunnnám

Skólagjöld fyrir grunnnám eru innheimt fyrir einingaþrep innan annar. 

Innritunar- og staðfestingargjald er kr. 127.000 og dregst frá skólagjöldum.

Einingar á önn	Skólagjöld
1 - 8 einingar	156.000 kr.
9 - 16 einingar	194.000 kr.
17 - 22 einingar	235.000 kr.
23 > einingar	313.000 kr.

Meistaranám

Skólagjöld í meistaranámi eru innheimt fyrir hverja skráða einingu. 

Skólagjöld í félagsvísindadeild, lagadeild og viðskiptadeild eru 24.844 kr. á einingu.

Innritunar- og staðfestingargjald er 127.000 kr. og dregst frá skólagjöldum.

Úrbótapróf

Gjald fyrir hvert úrbótapróf er kr. 10.000. Greiða þarf gjaldið minnst 2 virkum dögum fyrir áætlaðan prófadag.