Markaðsáætlanagerð

Markaðsáætlanagerð

Markmið námskeiðsins er að kynna nemendum mikilvægi markaðslegrar stefnumótunar og veita reynslu í þróun og gerð markaðsætlunar. Við lok áfanga eiga nemendur að geta þróað nauðsynlegar markaðsáætlanir og skilja hvernig á að stjórna markaðsstarfi gagnvart ákveðnum markhópum. Farið er yfir mikilvægi markaðsáætlunargerðar, greiningu markaðs- og samkeppnisumhverfa, markaðslega stefnumótun, aðgreiningu og samkeppnisforskot, markmiðasetningu og innleiðingu markaðsáætlunar. Áfanginn er próflaus en í námskeiðinu þróa nemendur markaðsáætlun sem lokaverkefni áfanga.

Upplýsingar um námskeið í Kennsluskrá

Fyrir hverja, þátttökugjald, forkröfur og einingar

Námskeiðið er fyrir þá sem vilja auka færni sína í gerð markaðsáætlana.

Þátttökugjald er 75.000 kr. 

Gerð er krafa um stúdentspróf eða sambærilega menntun, t.d. úr Háskólagátt Háskólans á Bifröst.

Námskeiðið veitir 6 ECTS einingar á grunnnámsstigi.

Fyrirkomulag

Námskeiðið er kennt í fjarnámi. Námskeiðið stendur yfir í sjö vikur og nemendur mæta í eina staðlotu. Kennsla hefst 6. janúar og stendur til 14. febrúar 2025. Um fjögurra stunda staðlota í Borgarnesi verður á tímabilinu 23.-26. janúar en nánari tímasetning er kynnt í námskeiðinu. Námsmat fer fram dagana 17.-21. febrúar.  

Kennarar

Kennarar námskeiðsins eru Haraldur Daði Ragnarsson og Ragnar Már Vilhjálmsson.

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur og skráning

Umsóknarfrestur er til 6. janúar 2025. 

Allar nánari upplýsingar eru veittar á netfanginu endurmenntun@bifrost.is

Hér má sjá nánari upplýsingar um Endurmenntun til eininga við Háskólann á Bifröst

 

Skráning

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

 

Svona skráir þú þig á námskeið:

  1. Fylla þarf út umsóknareyðublað í umsóknargáttinni.
  2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
  3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.