Stafræn fatahönnun

Markmið námsins er að nemendur geti nýtt aðferðir stafrænnar fatahönnunar til að koma hugmyndum sínum um tísku í framkvæmd. Þeir læra um hönnun, stafræna sníðagerð, undirbúning fyrir framleiðslu og stíliseringu. Að loknu námi hafa nemendur góðan grunn í fatahönnunar aðferðum með stafrænni tækni.

Þeir sem ættu að hafa áhuga á námskeiði eins og þessu eru t.d útskrifaðar fatahönnuðir, bæði þeir sem eru á vinnumarkaði og þeir sem vilja endurmenntun til að styrkja stöðu sína á atvinnumarkaði. Námið gæti einnig höfðað til klæðskera sem eru í námi og vilja tileinka sér nýjustu aðferðir. Eins þeir sem hafa lokið námi í framhaldsskóla úr fatahönnun, tölvuleikjagerð, iðnnámi eða listnámi og huga að frekara hönnunarnámi.  Boðið verður tveggja klukkustunda Teams fund einu sinni í viku þar sem stjórnandi námsleiðarinnar leiðbeinir nemendum og aðstoðar í verkefnum.

Stjórnandi námsleiðarinnar er Björg Ingadóttir hjá Spaksmannspjörum, einn fremsti fatahönnuður hér á landi. 

Vinnuálag og dreifing vinnuálags

Námið er fjarnám og samanstendur af fjórum námskeiðum. Hvert námskeið er kennt í sex vikna lotu. Þátttakendur geta því búist við að verja um 12-15 klst. á viku í námið. 

Aðgangsviðmið

Engin aðgangsviðmið.

Hæfnis- og lærdómsviðmið

Í námsleiðinni munu þátttakendur læra byltingakenndar aðferðir í stafrænni fatahönnun. Þeir munu læra að nota öflugt hönnunar forrit til að hanna flíkur stafrænt í þrívídd. Farið verður yfir ferlið frá því hugmynd að flík vaknar og þar til flíkin er fullunnin. Þátttakendur munu þróa þá færni sem er nauðsynleg til að sníða sýndarflíkur, líkja eftir saumaferli og hanna frumgerðir að flíkum. Unnið er með færni sem þarf til að undirbúa hönnun fyrir framleiðslu, tryggja nákvæmni sniða, skilvirkan skurð efna og straumlínulagað framleiðsluferli. Skoðaðir verða nýjir straumar í stafrænni tísku og áhrif þeirra á greinina. Þátttakendur læra meginreglur stílíseringar og hvernig á að setja hönnun sína fram á sannfærandi sjónrænan hátt. 

Námsmat

Áhersla er á verkefnadrifið námsmat þar sem þátttakendur vinna raunhæf verkefni. Þeir fá leiðbeinandi endurgjöf á verkefnin sín.

Verð: 490.000 kr.

Flest stéttarfélög greiða hluta námskeiðsgjalda fyrir sína félagsmenn.

Að loknu námi

Nemandi sem lýkur námsinu fær staðfestingu á námslokum. Námsleiðin leiðir ekki að prófgráðu.

Dagasetningar námskeiða

Námið verður kennt í fjórum sex vikna lotum skólaárið 2025-2026:

Þátttakendur þurfa að kaupa sér aðgang að forritinu Clo3d: CLO | 3D Fashion Design Software

Athugið að lágmarksþátttökufjöldi þarf að nást til að námið hefjist. 

Frekari upplýsingar um námsleiðina og næstu námskeið hjá endurmenntun [hjá] bifrost.is