Í upphafi hvers skólaárs er nýnemadagur, annars vegar hjá grunn- og meistaranemum og hins vegar hjá Háskólagátt Háskólans á Bifröst.

Á nýnemadögum kynnum við námið okkar fyrir nýjum nemendum. Þú færð mikilvægar leiðbeiningar fyrir tölvukerfin og upplýsingatæknina sem námið þitt byggir á ásamt heildstæðum upplýsingum um þá þjónustu sem nemendur hafa aðgang að og hverju gæta þurfi að, svo að allt geti gengið snurðulaust fyrir sig í náminu.

Hvert skólaár markast af mikilvægum dagsetningum. Við höfum safnað þeim mikilvægustu saman á einn stað á háskólavefnum undir heitinu dagskrá skólaársins.

Nemendur við Háskólann á Bifröst fá úthlutað Bifrastar-auðkenni, sem veitir þeim aðgang að tölvukerfum háskólans, s.s. Uglu, Canvas kennslukerfinu og Inspera prófakerfinu. 

Gera má ráð fyrir að 1-2 klst. líði frá því að þú greiðir skrásetningargjaldið þar til gengið hefur verið frá útgáfu á Bifrastar-auðkennum fyrir þig. 

Auðkennin samanstanda af aðgangsorði og lykilorði og eru sótt í samskiptagáttina þar sem umsóknir eru afgreiddar. Þú ferð undir yfirlit umsókna og um leið og auðkennið þitt er tilbúið til afhendingar birtist grænn hnappur sem smellt er á.

Þú skráir þig inn á samskiptagáttina með rafrænum skilríkjum.

Ugla er innri vefur Háskólans á Bifröst. Á forsíðu Uglunnar birtist Uglan þín sem er svæðið þitt. Þar hefur þú aðgang að þínum upplýsingum, s.s. tölvupósti, námskeiðum, einkunnum, tilkynningum frá háskólanum og öðru sem varðar þig.

Smá Uglan er app sem nálgast má í App Store og GooglePlay. Með appið í farsímanum ertu alltaf með aðang að öllum þeim mikilvægu upplýsingum sem birtast á Uglunni.

Við mælum með því að þú venjir strax komur þínar inn á Ugluna. Hún veitir yfirsýn yfir hluti sem skipta þig máli sem nemanda við Háskólann á Bifröst.

Áður en þú kemst inn á Uglu, þarftu að sækja Bifrastar-auðkenni fyrir þig. Það gerir þú undir Yfirlit umsókna í samskiptagátt Háskólans á Bifröst.

Gera má ráð fyrir að 1-2 klst. líði frá því að þú greiðir skrásetningargjaldið þar til gengið hefur verið frá útgáfu á Bifrastar-auðkennum fyrir þig. 

Þegar þú ert komin með auðkennin getur þú skráð þig inn á ugla.bifrost.is. (Einnig er flýtival inn á Uglu á forsíðu háskólavefjarins á bifrost.is)

Þá skráir þú þig í námskeið á Uglunni. Mikilvægt er að fylgjast vel með tilkynningum um námskeiðskráningar. Aðeins þú getur skráð þig í námskeið og sú skráning getur aðeins farið fram á Uglunni þinni. Ef þú lendir í vandræðum þarftu að hafa samband við verkefnastjóra þinnar deildar.

Canvas er stafrænt kennslukerfi fyrir samskipti kennara og nemenda. Nemendur geta á einum og sama staðnum sótt kennsluefni ásamt öðrum upplýsingum sem tengjast námskeiðum, sótt fyrirlestra, tekið þátt í spjallþráðum og fleira. Þá geta nemendur einnig skráð sig saman í hópa og átt í umræðum innan hópsins og skilað verkefnum saman, svo að dæmi séu tekin.

Þú kemst inn á Canvas á Uglunni eða skráir þig beint inn á kennslukerfið með Bifrastar-auðkenninu þínu.

Þú getur jafnframt hlaðið niður Canvas appinu á farsímann þinn - algjör snilld - á App Store eða GooglePlay.

Fara á Canvas

Umsóknir um háskólanám við Bifröst fara fram í samskiptagátt háskólans. Þú skráir þig inn í samskiptagátt með rafænum skilríkjum.

Námskeiðskráningar fara hins vegar fram á Uglu. Mikilvægt er að allir séu meðvitaðir um að hver og einn nemandi ber ábyrgð á skráningu í námskeið og þar með á eigin námsframvindu. 

Þú skráir þig inn á Uglu með Bifrastar-auðkenni (notendanafn og lykilorð) sem þú sækir inn á samskiptagátt undir "Yfirlit umsókna"). 

Til að staðfesta skólavist þarftu að greiða skrásetningargjald. Greiðslan er framkvæmd á mínum síðum í samskiptagáttinni undir flipa sem heitir yfirlit umsókna. Þegar umsókn um skólavist hefur verið samþykkt og þá birtist greiðslufyrirkomulagið þarna.

Þegar skrásetningargjaldið hefur verið greitt færðu senda kvittun á netfangið sem þú skráðir í samskiptagáttina við umsókn um skólavist. Greiðslan staðfestir innritun í nám við Háskólann á Bifröst.

Þjónustuborð Háskólans á Bifröst er opið kl. frá 09:00 til 15:00 (lokað 12:00-13:00). 

Tekið er við fyrirspurnum á þjónustuborði bifrost hjá bifrost.is, síma 433 3000 eða í skilaboðaskjóðu á bifrost.is.

Móttökustjóri þjónustuborðs er Lára Lárusdóttir.

Tekið er við beiðnum um tækniaðstoð á hjalp hjá bifrost.is.

Þjónustugáttin veitir þér aðgang að ýmsum vottorðum, staðfestingum og umsögnum varðandi skólagönguna í Háskólanum á Bifröst. Þú skráir þig með rafrænum skilríkjum inn í þjónustugáttina. 

Á meðal þess sem þú getur sótt þangað er: 

• Staðfest námsferilsyfirlit
• Staðfesting á skólavist
• Staðfesting á loknum einingum
• Umsókn um mat á fyrra námi (nánari upplýsingar um matsferlið) 

Vinsamlegast athugaðu að kvittun fyrir greiðslu skólagjalda er í heimabanka. Reikningur fyrir skólagjöldum birtist undir rafræn skjöl. Um leið og þú hefur greitt reikninginn birtist þar hnappur sem gerir þér kleift að prenta út kvittun fyrir greiðslunni (þú velur opna reikninginn og svo prenta út PDF)

Aðstoð vegna tæknilegra vandamála og notkunar á kennslukerfum skólans

Ef þig vantar aðstoð sendu okkur tölvupóst á hjalp hjá bifrost.is. Á skrifstofutíma má einnig hringja í síma 433 3080 eða í þjónustuborð skólans í 433 3000.

Hlutverk náms- og starfsráðgjafar Háskólans á Bifröst er að veita nemendum margvíslegan stuðning og þjónustu meðan á námi stendur. 

Markmið ráðgjafarinnar er að stuðla að auknum árangri og vellíðan í námi. Náms- og starfsráðgjöf fer fram í trúnaði. 

Viðtöl við náms- og starfsráðgjafa eru bókuð hér. Viðtöl eru veitt sem staðviðtal í Borgartúni 18 eða sem fjarviðtal á Teams. 

Nemendur við Háskólann á Bifröst geta sótt margs konar þjónustu til bókasafnsins. Auk þess sem bókasafnið hefur milligöngu um útlán á rafrænu efni, s.s. rafbókum og raftímaritum, þá rekur safnið gagnlegar upplýsingasíður á háskólavefnum sem snúa m.a. að heimildaleit og heimildaskráningu svo að dæmi séu nefnd.

Ef þig vantar upplýsingar um hvernig þú getur nýtt þér þjónustu bókasafnsins, sendu þá endilega póst á bokasafn hjá bifrost.is eða hafðu samband í síma 433 3099 á opnunartíma safnins kl. 08:00-16:00 virka daga. 

Fara á bókasafnsvef

Nám við Háskólann á Bifröst fer fram í lotubundinni kennslu. Hverri önn er skipt upp í tvær lotur, sem taka 7 vikur hvor. Hver lota gerir svo ráð fyrir einni staðlotu, sem fer jafnan fram í kringum helgar.

Enda þótt ekki sé skylda að mæta á staðlotur, þá eru þær mikilvægur liður í náminu. Staðlotur veita sem dæmi nemendum tækifæri til þess að hitta kennara og samnemendur og taka þátt í hópverkefnum, fyrirlestrum og umræðum, allt eftir því sem við á.

Staðloturnar eru einnig mikilvægur liður í háskólanáminu þínu fyrir þau persónulegu tengsl sem myndast þegar þú ert á staðnum og það tækifæri sem þær veita þér til að þróa samstarfs- og samskiptahæfni hjá þér í þínu fagi. Þá er tengslamyndun mikilvægur undirbúningur fyrir framtíðina og þá möguleika sem námið getur veitt þér.

Inspera er lokað prófakerfi sem hentar einstaklega vel háskólum sem sérhæfa sig í stafrænni miðlum líkt og Háskólinn á Bifröst. 

Kerfið hefur verið í notkun hér á landi um nokkurra ára skeið. Það er norskt að uppruna og þykir bæði þægilegt og aðgengilegt í noktun. Inspera er í notkun hjá flestum ef ekki öllum háskólum á Íslandi og fjölmörgum norrænum háskólum.

Nemendur þurfa sjálfir að skrá sig í próf og þurfa að greiða prófgjöld á tilsettum tíma til mega taka próf samkvæmt próftöflu í námsmatsviku. Ef nemandi getur ekki tekið próf í námsmatsviku þarf hann að skrá sig í endurtektarpróf og greiða sérstakt gjald. 

Skipulag náms við Háskólann á Bifröst byggir á því að nemendur bera sjálfir ábyrgð á því að skrá sig í námskeið og próf. Nemendur þurfa að fylgjast með dagatali skólans til að gæta að tilsettum dagsetningum, svo sem hvenær lotur hefjast, skráning í próf, greiðsla prófgjalda, úrskráningareindaga o.fl. Mikilvægt er að nemendur noti Bifrastarnetfangið sem er aðal samskiptaleið skólans við nemendur.

Nemendafélag Háskólans á Bifröst er hagsmunafélag allra nemenda á Bifröst. Til að hafa samband við nemendafélagið er bent á facebooksíðu félagsins og einnig hægt að senda póst á netfangið nemendafelag@bifrost.is.

Félagið stendur jöfnum höndum fyrir ýmsum viðburðum í félagslífi nemenda og hefur það á frábærri aðstöðu að skipa á háskólasvæðinu þar sem viðburðir á vegum þess fara fram.

Þá er nemendafélagið er meðlimur í LÍS – Landssamtökum íslenskra stúdenta ásamt öðrum stúdentafélögum landsins.

Nánar um Nemendafélag Háskólans á Bifröst - Nemó

Að hefja nám á háskólastigi getur vakið upp ýmsar spurningar. Við höfum þess vegna tekið saman lista með öllum algengustu spurningunum - smelltu hér.

Ef þú ert með spurningar sem þú finnur hvergi svör við gæti einhver af eftirtöldum veitt þér upplýsingarnar sem þú leitar að:

• Þjónustuborð bifrost hjá bifrost.is, s. 433 3000
• Tækniaðstoð hjalp hjá bifrost.is
• Náms- og starfsráðgjafar namsradgjof hjá bifrost.is
• Verkefnastjóri grunnnáms viðskiptadeildar vidskiptadeild hjá bifrost.is
• Verkefnastjóri grunn- og meistaranáms félagsvísindadeildar felagsvisindadeild hjá bifrost.is
• Verkefnastjóri grunn- og meistaranáms lagadeildar lagadeild hjá bifrost.is
• Verkefnastjóri viðskiptadeildar meistaranáms vdmeistaranam hjá bifrost.is
• Verkefnastjóri háskólagattar haskolagatt hjá bifrost.is