15. desember 2008
Góð þátttaka í TTT starfinu
 |
| Kátir krakkar í TTT |
Í haust hafa 15 börn mætt í TTT sem er kristilegt æskulýðsstarf á vegum þjóðkirkjunnar fyrir 10 – 12 ára börn.
Elínborg Sturludóttir, sóknarprestur í Stafholti og Alda Baldursdóttir, sviðsstjóri húsnæðis á Bifröst, hafa leitt starfið.
Börnin hafa verið dugleg að mæta og hafa verið mjög áhugasöm. Hefðbundin dagskrá hefur byrjað með því að börnin merkja á mætingarspjald og fá ávexti, samverustundin hefst svo með stuttri bæn, það er sungið, hlustað á Biblíusögu, farið í leiki og föndrað og endað með sameiginlegri bæn.
Í upphafi var tilkynnt um að mætingarverðlaun væru í boði fyrir þá sem væru duglegir að koma og alls fengu 10 börn slík verðlaun að þessu sinni. Þau fengu í hendur krossa búna til úr notuðum byssukúlum. Krossana gerðu börn sem eru í endurhæfingu á vegum lúterska heimssambandsins eftir að hafa verið hermenn og misnotuð í stríði í Sierra Lione.
Elínborg og Alda stefna á að hefja TTT starf aftur eftir áramótin í byrjun mars og stefnt er að því að mætingarverðlaun í vor verði ferðalag.