Á húsnæðissviði starfa auk sviðsstjóra, húsvörður, starfsmenn viðhaldsdeildar, ræstitæknar og öryggisvörður. Úthlutun húsnæðis, húsaleigusamningagerð, samskipti við leigutaka, viðhald á fasteignum, lán á sölum vegna félagslífs, ræstingar og öryggisvarsla eru á ábyrgð húsnæðissviðs.
Á heimasíðu skólans má finna ítarlegar upplýsingar um það leiguhúsnæði  sem boðið er upp á og þá þjónustu sem húsnæðissvið veitir s.s. gátlista vegna úttekta og skila á húsnæði, reglur um úthlutun, húsreglur í sambýlum, þjónustugjaldskrá og gjaldskrá vegna leiguhúsnæðis, gátlista yfir húsbúnað, reglur um öryggisvörslu og áminningar o.fl. Starfsmenn viðhaldsdeildar sjá um að taka á móti verkbeiðnum í gegnum leigukerfi skólans.
 

Húsaleigusamningar
 

Húsaleigusamningar eru gerðir á skrifstofutíma á Háskólaskrifstofu milli kl. 14 og 16 eða eftir nánara samkomulagi við sviðsstjóra húsnæðis, Öldu Baldursdóttur eða þjónustufulltrúa.

Nemendur eru hvattir til að færa lögheimili sitt að Bifröst en það er hagræði í því fyrir nemendur, þá sérstaklega fjölskyldufólk sem ætlar að sækja um leikskóla- eða skólavist fyrir börn sín. Eins hafa tryggingafélög boðið lægri iðgjöld af bifreiðatryggingum.

Hægt er að skrá sig á lögheimilið Bifröst nemendabústaðir, það er einkum ætlað fyrir einstaklinga sem flytja á milli einstaklingsherbergja á meðan námi stendur. Þeir sem það gera geta sótt um pósthólf hjá okkur á skrifstofu skólans.

Þjónustusími og neyðarnúmer
 

Ef upp koma neyðartilfelli (s.s. leki eða annað mjög aðkallandi) hringið þá í þjónustusímann sem er 695 9908 milli kl. 8:00 - 17:00 virka daga. Neyðaropnunum er sinnt milli 8-12 og 13-17. Ef neyðartilfelli koma upp milli kl. 17:00 - 08:00 virka daga eða um helgi/frídaga hringið þá í síma 695 9901.

Verkbeiðni