Háskólinn á Bifröst leggur ríka áherslu á að styrkja og efla rannsóknir á fræðasviðum sínum. Skólinn vill taka virkan þátt í að efla mannauð í landinu og treysta stoðir íslenskrar menningar og atvinnulífs með því að stuðla að þátttöku Íslendinga í fjölþjóðlegu vísindastarfi og nýsköpun.

• Rannsóknamiðstöð Háskólans á Bifröst sinnir verkefnum fyrir atvinnulíf og samfélag, auk þess að vera akademískum starfsmönnum skólans ráðgefandi við umsóknir um rannsóknastyrki og rannsóknasamstarf. Forstöðumaður rannsóknamiðstöðvarinnar er Kári Joensen, aðjúnkt.

Að auki eru fimm sérhæfð rannsóknasetur á Bifröst, en þau eru sjálfstæðar stofnanir:

• Evrópufræðasetur. Forstöðumaður er dr. Eiríkur Bergmann Einarsson, dósent.

• Rannsóknasetur verslunarinnar. Forstöðumaður er Emil B. Karlsson.

• Rannsóknasetur vinnuréttar- og jafnréttismála. Forstöðumaður er Elín Blöndal, prófessor. 

• Rannsóknasetur í menningarfræðum. Umsjónarmenn dr. Ágúst Einarsson, prófessor og dr. Njörður Sigurjónsson, lektor.

• Rannsóknasetur um stjórnun og alþjóðleg viðskipti / Centre for Management and International Business. Forstöðumaður er dr. Ásta Dís Óladóttir, dósent.

Háskólinn á Bifröst gefur út vísindalegt tímarit, Tímarit um félagsvísindi / Bifröst Journal of Social Science. Greinar í því eru birtar á vef skólans reglulega árið um kring en tímaritið kemur út á prenti árlega.

• Tímarit um félagsvísindi / Bifröst Journal of Social Science . Ritstjóri er dr. Ian Watson, lektor.